Մենք ենք, մեր լղոզված ապագան

All News

by Suren Lazaryan 6 Views comments

<p>Այս շաբաթ տեղեկացանք, որ 2019 թվականի փետրվար-մարտ ամիսներին հարցմանը մասնակցած հայաստանցիների 62%-ը դրական պատկերացում ունի Եվրոպական միության (ԵՄ) մասին:& </p> <p>& </p> <p>Հարցվածների 92%-ը Եվրոպական միության հետ հարաբերությունները լավ է գնահատում, ինչն, էապես, գերազանցում է Արեւելյան գործընկերության տարածաշրջանային միջին ցուցանիշը (67%): Հարցվածների 61%-ը վստահում է Եվրոմիությանը:</p> <p>& </p> <p>Թվում է, տպավորիչ արդյունքներ են: Սակայն, ծանոթանալով ամբողջական հաշվետվության հետ, հասկացա, որ մի շարք արդյունքներ ոչ միայն մտածելու տեղիք են տալիս, այլեւ շշմեցնում են եւ վկայում են, որ մեր &laquo;ներսի&raquo; եւ &laquo;դրսի&raquo; &laquo;Եվրոպայի&raquo; ընկալումները խորը արժեքային հակասությունների մեջ են:</p> <p>& </p> <p>Իհարկե, հարցումների արդյունքներին միշտ էլ կարելի է թերահավատորեն նայել: Բայց չափման այլ մեխանիզմ չկա: Բացի դրանից, արձանագրված հակասությունները եզակի չեն, այլ վկայում են համակարգային խնդրի մասին:</p> <p>& </p> <p>Հարցման մասնակիցներին առաջարկել էին դասակարգել 13 արժեք, որոնք <strong>Ա</strong>. ասոցացվում են Եվրոպական միության եւ <strong>Բ.</strong> անձնապես կարեւոր են հարցվողի համար:</p> <p>& </p> <p><strong>Եվրամիության հետ ասոցացվող թոփ երեք արժեքներն են.& </strong></p> <p>& </p> <p>Խոսքի ազատությունը (92%)</p> <p>Մարդու իրավունքները (91%)</p> <p>Անհատական ազատությունը (91%)</p> <p>& </p> <p><strong>Իսկ հիմա տեսնենք, թե այս երեք արժեքները որքան կարեւոր են անձամբ հարցվողի համար.</strong></p> <p>& </p> <p>Խոսքի ազատությունը (20%)</p> <p>Մարդու իրավունքները (32%)</p> <p>Անհատական ազատությունը (16%)</p> <p>& </p> <p>Այսինքն, հարցված հայաստանցիների համար այս երեք արժեքները առաջնային են Եվրոպական միության ընկալման տեսակետից, սակայն իրենց համար երեք, երբեմն էլ՝ չորս անգամ պակաս կարեւոր են:</p> <p>& </p> <p>Ամենազարմանալին առջեւում է:</p> <p>& </p> <p><strong>Հարցվածների անձնական թոփ երեք արժեքներն են.& </strong></p> <p>& </p> <p>Խաղաղություն, անվտանգություն և կայունություն (58%)</p> <p>Տնտեսական բարգավաճում (42%)</p> <p>Մարդու իրավունքներ (32%)</p> <p>& </p> <p><strong>Անկարեւոր 3 արժեքներն են</strong></p> <p>& </p> <p>Հարգանք այլ մշակույթների/փոքրամասնությունների նկատմամբ (8%)</p> <p>Կրոնի ազատություն (8%)</p> <p>Մամուլի ազատություն (2%)</p> <p>& </p> <p>Մենք ուզում են խաղաղ, անվտանգ ու կայուն ապրել, բայց կարծում ենք, որ դա հնարավոր է անել առանց այլ մշակույթները հարգելու եւ ազատ մամուլ ունենալու:</p> <p>& </p> <p>Մեղմ ասած, զարմանալի է, որ մամուլից անդադար բողոքող հասարակության մեջ մամուլի ազատությունը արժեքների ցանկի վերջին տեղում է: Ի՞նչ ապագա կարող է ունենալ մեդիան նման տրամադրություններ ունեցող հասարակության մեջ:</p> <p>& </p> <p>Հարցվածների 83 %-ը ասոցացնում են Եվրոպական միությունը <strong>ժողովրդավարության</strong> հետ: Սակայն միայն 10 %-ի համար է ժողովրդավարությունը կարեւոր իբրեւ անձնական արժեք:& </p> <p>& </p> <p>Գրեթե նույն պատկերն է <strong>օրենքի գերակայության</strong> դեպքում: 86 %-ը ասոցացնում են այն Եվրոպական միության հետ եւ միայն 23 %-ի համար է օրենքի գերակայությունը կարեւոր որպես անձնական արժեք: Եվ այս պատկերն ունենք մի երկրում, որտեղ մարդիկ օր ու գիշեր խոսում են նախկին կամ ներկա անօրինականությունների մասին:</p> <p>& </p> <p><strong>Կոռուպցիայի բացակայությունը </strong>Եվրոպական միության հետ ասոցացնում են հարցվածների 61 %-ը: Եվ միայն 25 %-ի համար է այն կարեւոր որպես անձնական արժեք: Ստացվում է, որ հասարակության երեք քառորդի համար կոռուպցիան այս կամ այն չափով ընդունելի՞ է:</p> <p>& </p> <p>Իսկ այս ցուցանիշն այնքան ապշեցուցիչ է, որ հրաժարվում ես հավատալ: <strong>Անձնական ազատությունը</strong> Եվրոպական միության հետ ասոցացնում են հարցվածների 91 %-ը, բայց այն որպես անձնական արժեք կարեւորել են հարցվածների ընդամենը 16 %-ը:& </p> <p>& </p> <p>Այս արդյունքները ապացուցում են այն, ինչի մասին տարբեր առիթներով եւ տարբեր տարիներին գրել եմ՝ եթե մենք չենք ցանկանում փոխվել, ոչ մի իշխանություն չի կարողանալու մեզ փոխել: Ավելին՝ եթե անձնական ազատությունը մեզ համար կարեւոր չէ, ցանկացած իշխանություն դա շատ արագ զգալու է եւ իրեն չի կաշկանդելու: Եթե, իրականում, մեր հասարակության 4 անդամներից 3-ը միանշանակ չի մերժում կոռուպցիան, ոչ մի նոր հակակոռուպցիոն մարմին արդյունավետ չի լինելու:</p> <p>& </p> <p>Իսկ ամենազավեշտալին այն է, որ այս ամենով հանդերձ՝ հարցվածների 70%-ը լավատեսորեն է նայում Հայաստանի ապագային: Սա էլ մի առանձին թեմա է: Հերիք չէ, որ ապագայի մեր ընկալումը ոչ միայն լղոզված է, մեզ նաեւ թվում է, որ այդ ապագան ներկայից չի ծնվելու ու ներկայի արատները չի ժառանգելու:</p> <p>& </p> <p><em>&laquo;EU NEIGHBOURS east&raquo; նախագծի պատվերով իրականացված հասարակական կարծիքի ուսումնասիրության ամբողջական արդյունքները <a href="https://www.euneighbours.eu/sites/default/files/publications/2019-07/EUNEIGHBOURS east_AS2019report_ARMENIA.pdf" target="_blank">հասանելի են այս հղումով</a>:</em></p> <p>& </p> <p><strong>Արա Թադեւոսյանը Մեդիամաքսի տնօրենն է։</strong></p>

Comments